ABŞ Mərkəzi Komandanlığı (CENTCOM) Ali Baş Komandanın göstərişi ilə iyulun 18-də Şərq vaxtı ilə saat 23:30-da (Bakı vaxtı ilə 19 iyul saat 07:00) İrana qarşı növbəti zərbələr seriyasını həyata keçirib.
Bu barədə ABŞ Mərkəzi Komandanlığı (CENTCOM) məlumat yayıb.
Qeyd edilib ki, ABŞ-ın ardıcıl səkkizinci gecə davam edən zərbələri zamanı İranın hərbi sahil müşahidə və hava hücumundan müdafiə obyektlərini, dəniz imkanlarını, eləcə də raket və pilotsuz uçuş aparatlarının saxlanıldığı məntəqələri uğurla vuraraq İranın hərbi potensialının zəiflədilməsi istiqamətində əməliyyatlar davam etdirilib: “ABŞ hərbi qüvvələri həmçinin iyulun 17-də İordaniyada ABŞ hərbçilərinə qarşı hücumlar həyata keçirən İslam İnqilabı Keşikçiləri Korpusu qüvvələrini də hədəfə alıb”.
