Argentina millisinin və ABŞ-ın “İnter Mayami” klubunun hücumçusu Lionel Messi atasının dəfn mərasimində ailəsinin şəxsi həyatına müdaxilə etdiklərini iddia etdiyi jurnalistləri məhkəməyə verməyi planlaşdırır.
Argentina mətbuatının məlumatına görə, Messi yerli jurnalistlərin atasının dəfni zamanı ailənin şəxsi həyat hüququnu pozduğunu düşünür.
Futbolçunun atası Xorxe Messi avqustun 8-də 68 yaşında, uzun sürən xəstəlikdən sonra vəfat edib. O, eyni zamanda Lionel Messinin agenti olub və futbolçunun karyerasında mühüm rol oynayıb.
Xorxe Messinin dəfn mərasimi avqustun 9-da Argentinanın Rosario şəhərində, qapalı formatda keçirilib. Mərasimdə yalnız ailə üzvləri və yaxınlar iştirak edib.
Məlumata görə, Lionel Messi məhz bu mərasim zamanı media nümayəndələrinin ailənin şəxsi həyatına müdaxilə etdiyini hesab edir və bununla bağlı hüquqi addımlar atmağa hazırlaşır.
Messinin jurnalistlərə qarşı konkret hansı hüquqi tələblərlə çıxış edəcəyi və məhkəməyə müraciətin nə vaxt ediləcəyi barədə isə hələlik əlavə məlumat açıqlanmayıb.
