Çempionlar Liqasında böyük püşk –

UEFA Çempionlar Liqasının əsas mərhələsində mübarizə aparacaq 36 komanda püşkatma üçün dörd səbətə bölünüb. Püşkatma 27 avqustda keçiriləcək.

Yeni formatda əsas mərhələ sentyabrdan yanvara qədər davam edəcək və komandalar ümumilikdə 8 turda mübarizə aparacaqlar.

Hər klub müxtəlif rəqiblərlə 8 oyun keçirəcək. Əsas mərhələnin yekununda komandaların turnir cədvəlindəki mövqeyi onların pley-off taleyini müəyyənləşdirəcək.

İlk 8 pillədə qərarlaşan komandalar birbaşa Çempionlar Liqasının 1/8 final mərhələsinə vəsiqə qazanacaq.

9-24-cü yerləri tutan klublar isə pley-offun ilk mərhələsində iştirak edəcəklər. Bu qarşılaşmaların qalibləri 1/8 finala yüksələcək.

25-36-cı yerlərdə qərarlaşan komandalar isə turniri dayandıracaq.

AzPost.az