Türkiyənin Ankara şəhərində Prezident Kompleksində əsas nazirlik və dövlət qurumlarının nümayəndələrinin iştirakı ilə mətbuat üçün qapalı müşavirə keçirilib.
Bu barədə “Anadolu” agentliyi məlumat yayıb.
Görüşdə Türkiyənin ədliyyə naziri Akın Gürlek, daxili işlər naziri Mustafa Çiftçi, xarici işlər naziri Hakan Fidan, milli müdafiə naziri Yaşar Gülər, sənaye və texnologiyalar naziri Mehmet Fatih Kaçır, nəqliyyat və infrastruktur naziri Abdulkadir Uraloğlu, həmçinin Milli Kəşfiyyat Təşkilatının rəhbəri İbrahim Kalın iştirak ediblər.
Müşavirədə, həmçinin Prezident Administrasiyasının baş katibi Hakkı Susmaz, Prezidentin Kibertəhlükəsizlik İdarəsinin rəhbəri Ümit Önal, Prezident yanında Kommunikasiya İdarəsinin rəhbəri Burhanettin Duran, Müdafiə Sənayesi İdarəsinin rəhbəri Haluk Görgün, Prezidentin katibliyinin rəhbəri Həsən Doğan və Milli Təhlükəsizlik Şurasının baş katibi Okay Memiş iştirak ediblər.
