Nadir rast gəlinən Ferrari Daytona SP3 superkarı ABŞ-ın Las-Veqas şəhərində keçirilən Broad Arrow hərracında 18,54 milyon dollara satılıb.
Verde Francesca adlı xüsusi yaşıl rəngdə olan avtomobil model tarixində rekord qiymətə alıcı tapıb. Yalnız xeyriyyə məqsədilə keçirilən hərracda 26 milyon dollara satılmış başqa bir nümunə bu rekorddan istisnadır.
Azpost.info bildirir ki, bu barədə “Motor1” məlumat yayıb.
Satışın diqqətçəkən məqamı avtomobilin ilkin qiymətinin təxminən 2,3 milyon dollar olmasıdır. Beləliklə, bir ildən az müddətdə onun ikinci əl bazarındakı dəyəri təxminən 8 dəfə artıb.
Ferrari Daytona SP3 829 at gücünə malik, atmosfer tipli V12 mühərriklə təchiz olunub. Avtomobildə turbokompressor və hibrid sistem yoxdur. Mühərrikin dövrləri dəqiqədə 9000-i ötə bilir.
Superkarın dizaynı ötən onilliklərin əfsanəvi yarış Ferrari modellərindən ilhamlanaraq hazırlanıb.
Bununla belə, avtomobilin bu qədər yüksək qiymətə satılmasının əsas səbəbi onun nadir olması, texniki vəziyyəti və çox az yürüş məsafəsidir. Hərraca çıxarılan yaşıl rəngli avtomobilin odometrində cəmi 81 mil (təxminən 130 kilometr) göstəricisi olub.
Sunay
