Oktyabrın 30-na olan məlumata əsasən, ABŞ-da 53 milyondan çox sakin noyabrın 4-də keçiriləcək ümumi seçkilərlə bağlı erkən səs verib.
AZƏRTAC-ın məlumatına görə, bu rəqəmləri Florida Universitetinin Seçki Laboratoriyası açıqlayıb. Bildirilir ki, erkən səs verən seçicilərdən 27,7 milyondan çoxu şəxsən səsvermələrə qatılıb, 25,7 milyona yaxını isə səslərini poçt vasitəsilə göndərib.
ABŞ-da erkən səsvermə ştatlardan asılı olaraq sentyabrın 20-dən etibarən başlayır və noyabrın 2-dək davam edir.
Noyabrın 5-də ABŞ-da ümumi seçkilər keçiriləcək. 2024-cü il prezident seçkiləri ilində prezident və vitse-prezident seçiləcək. Bundan əlavə, 119-cu ABŞ Konqresinin üzvlərini müəyyən etmək üçün Nümayəndələr Palatasındakı 435 yerin hamısı və Senatdakı 100 yerdən 34-ü uğrunda mübarizə aparılacaq.
