ABŞ-da yeniyetmə məktəbdə 6 nəfəri güllələyib

14 Noyabr 2019 - 22:58
People wait for students and updates outside of Saugus High School after reports of a shooting on Thursday, Nov. 14, 2019 in Santa Clarita, Calif. (AP Photo/Marcio Jose Sanchez)

ABŞ-ın Kaliforniya ştatı, Santa-Klarita şəhərindəki məktəbdə baş vermiş silahlı insidentdə azı 6 nəfər yaralanıb.

APA “RİA Novosti”yə istinadən xəbər verir ki, hadisə Los-Ancelesdən təqribən 65 kilometr şimalda yerləşən “Saugus High School” məktəbində törədilib.

“Los Angeles Times” nəşrinin polisə istinadən yazdığına görə, silahlı şəxs qara paltarlı 15 yaşlı yeniyetmə olub. Cinayət məktəbin şəhərciyində törədilib.

Polis bildirib ki, cinayətkar insidentdən sonra özünü öldürüb. Hazırda onun evində axtarış aparılır.