Trampla Putin
Vaşinqton və Moskva Ukraynadakı müharibəyə son qoyacaq və Rusiyanın hərbi kampaniya zamanı ələ keçirilən ərazilərə nəzarətini təmin edəcək saziş üzrə danışıqlar aparır.
AzPost bildirir ki, bu barədə Bloomberg məlumat yayıb.
Müzakirələrlə tanış olan Bloomberg mənbələrinə görə, ABŞ və Rusiya Tramp və Putin arasında gələn həftə baş tuta biləcək mümkün sammitlə birlikdə ərazi razılaşması üzərində də işləyirlər. Vaşinqton Kiyev və onun avropalı müttəfiqlərindən dəstək axtarır, lakin danışıqların nəticəsi qeyri-müəyyən olaraq qalır.
Plan Ukraynanın bütün Şərqi Donbas və Krımı Rusiyaya təhvil verməsini nəzərdə tutur. Bu da Ukrayna qoşunlarının Luqansk və Donetsk vilayətlərinin hələ də nəzarətdə olan hissələrindən çıxarılmasını tələb edir. Bunun müqabilində Rusiya indiki cəbhə xətti boyunca Xerson və Zaporojye bölgələrində hücumunu dayandıracaq. Lakin Zaporojya AES-ə nəzarət də daxil olmaqla bir sıra mübahisəli məsələlər həll olunmamış qalacaq.
Müqavilə faktiki olaraq münaqişəni donduracaq və sülh danışıqlarına yol açacaq. Amma onun şərtləri dəyişə bilər. Putin Ukraynanın neytral statusunda, NATO-ya üzv olmaqdan imtinada və ilhaq edilmiş bütün ərazilərin Rusiyaya məxsus olmasında israr etməkdə davam edir.
