Almaniya “soyuq müharibə”dən sonra ilk dəfə Ukraynadakı müharibənin gedişatını nəzərə alan hərtərəfli müdafiə planı hazırlayır.
Azpost.info xəbər verir ki, plan kritik infrastrukturun təxribatı, dezinformasiya kampaniyaları və kiberhücumlar da daxil olmaqla yeni müharibə üsullarını nəzərə alacaq.
Planın əsas məqsədi NATO-nun şərq cinahında lazımi müdafiəni və hərəkətə hazırlığı təmin etməkdir. Bu baxımdan, Bundesverin əhəmiyyətli bir hissəsi Alyansın müdafiəsini dəstəkləmək üçün yerləşdiriləcək.
Alman əməliyyat planı polis, mülki müdafiə təşkilatları, akademik dairələr və sənaye ilə əməkdaşlıqla hazırlanır. Plan martın sonuna qədər tamamlanacaq və vaxtaşırı yenilənəcək.
Azpost.info
