Yaponiyada bir kişi həyat yoldaşına gündə 100 dəfə zəng vurduğuna və telefonda susduğuna görə həbs edilib.
Azpost.info Sora News-a istinadən yazır ki, qadının telefonuna naməlum nömrədən zənglər gəlməyə başlayıb. Eyni zamanda, xəttin o biri ucundakı şəxs sadəcə ağır-ağır nəfəs alaraq susurmuş. İş o yerə çatıb ki, yapon qadına gündə 100 belə zəng gəlib.
Nəticədə qadın kömək üçün polisə müraciət edib. Araşdırma zamanı telefon xuliqanının yapon qadının əri olduğu məlum olub. O, həbs edilib və şəxsi izləməkdə ittiham olunub. Yaponun özü bu hərəkətini arvadına səssiz zənglər vasitəsilə sevgisini bildirmək istədiyi ilə izah edib: “Mən həyat yoldaşımı sevirəm və susaraq bunu göstərirdim”.
Polis əlavə edib ki, bu, onların karyerasında ilk belə hadisədir.
