“Avatar”ın çoxdan gözlənilən davamının yeni treyleri yayımlanıb.
“Avatar Su Yolu” bu il dekabrın 16-da bütün dünyada yayımlanacaq. Burda hadisələr ilk filmdəkilərdən 10 illər sonra baş verir. Hekayəyə görə, əsgər Ceyk Salli avatara çevrildikdən sonra Navi xalqının lideri olur və yeni dostlarını Yerdən gələn muzdlu iş adamlarından qorumaq missiyasını üzərinə götürür.
Baş rolları Sem Uortington, Zoi Saldana, Stiven Leng, Covanni Ribizi, Coel David Mur və Keyt Uinslet oynayır.
Qeyd edək ki, elmi-fantastik filmin ilk hissəsi 2009-cu ildə nümayiş olunub. Film insanların və Navi adlı yadplanetlilərin qarşılıqlı əlaqələri, Navi aləminə xətərli müdaxilə barədədir. Üç “Oskar” və bir “Qızıl Qlobus” mükafatını almış “Avatar” dünyanın ən gəlirli filmi olub.
Məlumata görə, üçüncü, dördüncü və beşinci hissə müvafiq olaraq 2024-cü, 2026-cı və 2028-ci illər üçün planlaşdırılıb.
