Avropa İttifaqı İranı dərhal nüvə razılaşmasına əməl etməyə çağırıb

Avropa İttifaqının (Aİ) üzv dövlətlərinin XİN rəhbərləri İranı nüvə proqramı üzrə Birgə Hərtərəfli Fəaliyyət Planına (BHFP) əməl etməyə çağırıb.

“TASS”ın verdiyi məlumata görə, bunu Aİ diplomatiyasının rəhbəri Jozep Borrel ittifaqın 28 ölkəsinin xarici işlər nazirlərinin təcili iclasından sonra keçirilən mətbuat konfransında deyib.

J.Borrel bildirib: “Biz İranı dərhal BHFP-yə əməl etməyə qayıtmağa çağırırıq”.

Onun sözlərinə görə, XİN rəhbərləri həmçinin ABŞ və İranı bölgədə deeskalasiyanı təmin etməyə çağırıblar: “Bölgə daha bir müharibəyə tab gətirə bilməz. Biz tərəfləri təcili deeskalasiyaya və maksimal dərəcədə təmkinli olmağa çağırırıq”.

J.Borrel qeyd edib ki, xarici işlər nazirləri yaranmış vəziyyətdən çıxış yolu tapmaq üçün ondan bütün tərəflərlə fəal danışıqlar aparmağı istəyiblər: “Biz istisnasız olaraq hər kəslə danışmalıyıq və qərar regional olmalıdır”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

MSK bələdiyyə seçkilərinin yekunlarını bu gün təsdiq edəcək

Sonrakı məqalə

Yaxın Şərqdəki gərginlik neft bazarına necə təsir edir? –