Bərdədə anasını və bacısını qətlə yetirən şəxs polisə təslim olub- FOTO

Ötən gün Bərdədə qısqanclıq zəminində anasını və bacısını güllələyərək öldürən şəxs polisə təslim olub.

APA-nın məlumatına görə, rayonun Alaçadırlı kəndində anası Nəzirə Zeynalovanı və bacısı Əminə Zeynalovanı odlu silahla qətlə yetirən Toğrul Zeynallı istintaqa təhvil verilib.

Qeyd edək ki, iyunun 1-də gecə saat 04 radələrində Bərdə rayonunun Alaçadırlı kəndi ərazisində iki şəxsin odlu silahla qətlə yetirilmiş meyitlərinin aşkar edilməsi barədə daxil olmuş məlumat əsasında prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib.

Faktla bağlı Bərdə rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanıb.

İş üzrə müvafiq ekspertizalar təyin edilib və digər zəruri istintaq-əməliyyat tədbirləri aparılıb.

İlkin araşdırmalarla həmin gün saat 03 radələrində Alaçadırlı kəndində yaşayan Toğrul Zeynallının yaşadığı evdə qısqanclıq zəminində tüfəngdən atəş açmaqla anası Nəzirə Zeynalovanı, daha sonra yaşadıqları evdən təxminən 200 metr aralıda isə bacısı Əminə Zeynalovanı qəsdən öldürərək hadisə yerindən qaçıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Samir Şərifov:

Sonrakı məqalə

Korrupsiyaya yol vermiş orta məktəb direktoru barəsində cinayət işi başlanıb