BMT-də Rusiyanın Ukraynada törətdiyi hərbi və digər cinayətləri araşdırmaq üçün xüsusi komissiya yaradılıb. Qurumun İnsan Hüquqları Şurasının prezidenti Federiko Villeqas komissiyaya üç üzv təyin edib.
Azpost.info xəbər verir ki, onların vəzifələrinə sübutların toplanması və təhlili daxildir. Komissiyaya aşağıdakı şəxslər daxil edilib: norveçli Erik Messe (Ruanda Soyqırımı üzrə Beynəlxalq Cinayət Tribunalının keçmiş rəhbəri); Bosniya və Herseqovinadan olan Jasminka Dzumhur (keçmiş hakim, ölkəsində insan hüquqları üzrə ombudsman); kolumbiyalı Pablo de Greiffa (beynəlxalq təşkilatların keçmiş ədliyyə müşaviri və Nyu-York Universitetində Keçid Ədliyyə Proqramının direktoru). Komissiya sübutları toplayıb tərtib və təhlil edəcək. Həmçinin beynəlxalq hüquq normalarına uyğun olaraq bütün məlumatları, sənədləri və sübutları, o cümlədən müsahibələri, ifadələri və məhkəmə ekspertizası materiallarını qeydə alıb gələcək məhkəmə çəkişmələri üçün saxlayacaq. Komissiya bir il müddətinə yaradılıb. O, fəaliyyətinin nəticələrinə dair 2022-ci ilin sentyabrında şifahi, 2023-cü ilin martınadək isə yazılı hesabat hazırlayıb BMT Baş Assambleyasına təqdim etməlidir.
Azpost.info
