Boliviya prezidenti Evo Morales istefa verdiyini açıqlayıb.
Trend-in məlumatına görə, bu barədə “Pagina 7” qəzeti bildirib.
Məlumata əsasən, keçmiş dövlət başçısının təyyarəsi Argentina ərazisində uçuş planını istəyib. Təyyarə El-Alto beynəlxalq hava limanından uçub. Qeyd edək ki, daha əvvəl silahlı qüvvələr onu ölkədə sabitliyin təmin olunması üçün vəzifədən getməyə çağırıblar.
Boliviya polisi eks-prezident Evo Moralesi saxlamaq istəyir. Bu barədə ölkə Səhiyyə Naziri Qabriela Montanyo bildirib. Q.Montayo deyib: “Boliviya polisi qanunsuz olaraq Evo Moralesi saxlamaq niyyətindədir, bu dəlilik barədə dünyaya bildiririk”.
Moralesin başçılıq etdiyi Boliviyanın bütün yüksək rəhbərliyi bir neçə saat əvvəl istefa verib.
Boliviya Senatının ikinci vitse-spikeri, müxalifətin nümayəndəsi Janin Anyes bütün yüksək rəhbərliyin istefasından sonra ali hakimiyyətin ona keçdiyini bildirib.
Anyes bunu “Pagina 7”-yə açıqlamasında deyib. (APA)
Bundan əvvəl prezident Evo Morales, vitse-prezident Alvaro Qarsia Linyera, Senatın rəhbəri Adriana Salvierra, Senat sədrinin birinci müavini, həmçinin Deputatlar Palatasının rəhbəri Viktor Borda istefa verib.
