Yeni qaydaya əsasən, orta ev təsərrüfatları üçün standart enerji hesabının qiyməti ildə 1277 funt-sterlinqdən 1971 funt-sterlinqə yüksəlib. Bu, 54 faiz artım deməkdir. Yeni qiymətlər aprel ayından tətbiq olunacaq.
Hökumət elektrik enerjisi və təbii qaz qiymətlərindəki artımın istehlakçılara əks olunmaması üçün bəzi tədbirlər görəcəyini açıqlayıb. Maliyyə naziri Rişi Sunak, artan enerji qiymətləri qarşısında milyonlarla ailənin çətin vəziyyətdə qalacağını ifadə edərək, İcmalar Palatasında 9 milyard funt-sterlinq məbləğindəki kömək paketini açıqlayıb.
Həmçinin Böyük Britaniyada illik inflyasiya dekabrda 5,4 faizə çataraq son 30 ilin ən yüksək səviyyəsinə çatıb.
