Böyük Britaniya və ABŞ gizli şəkildə Ukraynaya Rusiya ərazisinə uzaqmənzilli “Storm Shadow” raketləri ilə zərbə endirmək icazəsi verə bilər.
Azpost.info xəbər verir ki, bu barədə Qərb diplomatlarına istinadən “The Times” qəzeti məlumat yayıb.
Nəşrin yazdığına görə, London və Vaşinqton bu qərarı imzalamağa hazırdırlar, lakin Rusiya ərazisinin dərinliklərinə qanadlı raketlərin ilk buraxılışına qədər ictimaiyyətə açıqlama verməkdən çəkinə bilərlər.
“The Times”a görə, Rusiyaya uzunmüddətli zərbələrə qoyulan məhdudiyyətlərin aradan qaldırılması qərarının vaxtından əvvəl yayılması Moskvanı xəbərdar edə bilər.
Nəşr xatırladır ki, Britaniya və Fransa istehsalı olan “Storm Shadow” qanadlı raketləri artıq Ukraynaya çatdırılıb, lakin Paris və London bu silahların istifadəsini yalnız Ukrayna sərhədləri daxilində məhdudlaşdırıblar. Eyni zamanda, Kiyev müttəfiqlərindən, xüsusən də rus qırıcılarının Ukraynaya doğru qalxdığı Rusiya hərbi aerodromlarına zərbələr endirmək üçün uzaqmənzilli raketlərdən istifadə etmək üçün icazə istəyir.
Azpost.info
