Bu proqram əlavəsi saxta əsginasları aşkar edəcək

16 Dekabr 2019 - 12:54

Macarıstan Mərkəzi Bankı xüsusi pulsuz mobil proqram əlavəsi buraxıb. Bu mobil proqram əlavəsinin köməyi ilə istənilən smartfon istifadəçisi əsginasların saxta olub-olmadığını müəyyən edə biləcək.

Macarıstan Mərkəzi Bankının departament rəhbəri bu yeniliyi M1 telekanalına müsahibəsində elan edib.

Hazırda Macarıstanda 500 milyona yaxın əsginas dövriyyədədir. Onlardan təqribən 1000 əsginas saxtadır.

Yaxın vaxtlarda ölkədə saxta pulla hesablaşma aparmış şəxslər saxlanmışdır(azərtac).