Polşalı hücumçu Robert Levandovski Şimali Amerika Böyük Futbol Liqasının (MLS) klubu “Çikaqo Fayr”la müqavilə imzalayıb.
APA xəbər verir ki, bu barədə komandanın mətbuat xidməti məlumat yayıb.
Müqavilə 2027/28 mövsümünün sonuna qədər nəzərdə tutulub.
Levandovski 2022-ci ilin yayından “Barselona”da çıxış edir. Komandanın tərkibində futbolçu üç dəfə çempionluq və İspaniya Superkubokunu, bir dəfə isə ölkə kubokunu qazanıb.
Qeyd edək ki, Levandovskinin 37 yaşı var. 2010-2014-cü illərdə Dortmund “Borussiya”, 2014-2022-ci illərdə isə 8 dəfə Almaniya çempionu olduğu “Bavariya”da çıxış edib.
O 3 dəfə Almaniya kubokunu, həmçinin Çempionlar Liqası və UEFA Superkubokunu qazanıb.
Polşa millisinin heyətində futbolçu 165 oyun keçirib və 89 qol vurub. O, milli komandanın tarixində ən çox qol vuran futbolçudur.
