İtaliya səfirliyi Dəməşqdə qarət edilib. Əllərində silah olan şəxslər diplomatın iqamətgahından 3 avtomobil götürüblər.
Azpost.info-nun məlumatına görə, İtaliyanın xarici işlər naziri Antonio Tajani bildirib ki, bu gün “silahlı qrup” İtaliyanın Dəməşqdəki səfirliyinin bağçasına girərək silah gücünə 3 rəsmi avtomobili aparıb.
İtaliya Xarici İşlər Nazirliyinin rəhbərinin sözlərinə görə, bu, müxalifət qüvvələrinin şəhəri ələ keçirdiklərini elan etməsindən sonra baş verib.
O, həmçinin bildirib ki, insident zamanı səfirin özü və iqamətgahı mühafizə edən karabinerlər xəsarət almayıb.
