Daha 120 azərbaycanlı Rusiyadan təxliyə olundu

- Açıqlama
02 İyun 2020 - 16:33

“Bu gün daha 120 Azərbaycan vətəndaşının Rusiyadan Vətənə qayıtması təmin olunub”.

Bunu “Report”un Rusiya bürosuna açıqlamasında Rusiya Azərbaycanlıları İttifaqının vitse-prezidenti Elnur Hüseynov bildirib.

“Hazırda 120 nəfər Rusiya-Azərbaycan sərhədini keçib. Azərbaycana qayıtmaq istəyənlər yenə də var. Amma yaranmış vəziyyəti nəzərə almaq, çətinliklərə anlayışla yanaşmaq lazımdır”, – deyə E.Hüseynov bildirib.

O qeyd edib ki, hazırda Rusiya ilə sərhəddə toplaşan 619 nəfər Azərbaycana keçmək istəyir.