Dövlət Departamenti Trampı təkzib etdi:

"İŞİD-in yeni rəhbərini tanımırıq"
07 Noyabr 2019 - 10:08

ABŞ Əbu Bəkr əl-Bağdadinin məhv edilməsindən sonra İŞİD terror qruplaşmasının yeni lideri olmuş şəxsin kimliyi barədə demək olar ki heç nə bilmir.

Trend-in məlumatına görə, bu barədə Dövlət Departamentinin yüksək vəzifəli nümayəndəsi brifinqdə bildirib. Onun sözlərinə görə, Amerika hakimiyyəti silahlıların yeni lideri haqqında “demək olar ki heç nə bilmir”.

Diplomat qeyd edib: “Onun kimliyi, yəqin ki, heç kimə məlum deyil. Heç kim onun keçmişi haqqında bilmir”.

Ötən həftə ABŞ Prezidenti Donald Tramp ABŞ-ın İŞİD-in yeni liderinin kim olduğunu dəqiq bildiyini söyləyib. Daha sonra jurnalistlər üçün keçirilən brifinqdə ABŞ Dövlət Departamentinin terror ilə mübarizə məsələləri üzrə koordinatoru Neytan Seyls Vaşinqtonun İŞİD-in yeni liderinin kimliyi barədə dəqiq məlumatının olub-olmaması barədə suala cavab verməkdən yayınıb.