80-ci illərn məşhur estrada müğənnisi Bonni Tayler komaya düşüb.
Azpost.info bildirir ki, 74 yaşlı uelsli müğənni, «Total Eclipse Of The Heart” adlı əbədi hit mahnısı ilə məşhurdur. O, Portuqaliyada səhhəti ilə bağlı ciddi böhranından sonra ağır vəziyyətdədir.
Yerli medianın məlumatına görə, Bonni Tayler bağırsağının yırtılması səbəbindən təcili olaraq Portuqaliyanın cənubundakı Faro şəhərindəki bir xəstəxanaya yerləşdirilib və təcili əməliyyat tələb olunub.
Əvvəlcə müğənninin nümayəndələri əməliyyatın uğurlu keçdiyini və onun sağaldığını bildiriblər.
Lakin cümə axşamı günü sənətçinin vəziyyətinin ciddi şəkildə pisləşməsi ilə bağlı həyəcan verici məlumatlar yayılıb.
Portuqaliyanın “Correio da Manhã” nəşrinin məlumatına görə, Bonni Tayler reanimasiya şöbəsinə köçürülüb və həkimlər onu tibbi komaya yerləşdiriblər. Müğənninin huşsuz olduğu və süni tənəffüs aparatına qoşulduğu bildirilir. Həkimlər hələ də vəziyyətin yaxın saatlarda necə inkişaf edəcəyini proqnozlaşdıra bilmirlər. Bu da dünyadakı pərəstişkarları arasında narahatlığı daha da artırır.
Bonni Tayler güclü, xırıltılı vokalları və bir sıra ikonik hitləri sayəsində dünya musiqi tarixində öz yerini həmişəlik olaraq möhkəmləndirib.
Onun ən məşhur mahnıları arasında “Total Eclipse of the Heart”, “Holding Out for a Hero” və “It’s a Heartache” var.
Onun əsərləri bütöv bir dövrün simvoluna çevrilib və müğənninin özü də öz nəslinin ən tanınan ifaçılarından biri olaraq qalır.
