“Ermənilər Azərbaycan ərazisində Muxtar Respublika yarada bilərlər” –

Ziyafət Əsgərov Lavrovun bəyanatına reaksiya verdi
12 Noyabr 2019 - 11:58

“Azərbaycan ərazisində ikinci erməni dövlətinin yaradılmasına yol verə bilmərik”.

Bunu jurnalistlərə açıqlamasında Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib.

O qeyd edib ki, ermənilər özlərinə bir dövlət yaradıb, artıq ikincisini yaratmaq arzusundadırlar: “Azərbaycanın ərazisi daxilində Muxtar Respublika statusunda yarada bilərlər. Yalnız Azərbaycanın ərazi bütövlüyü çərçivəsində onlara hansısa muxtariyyət verməkdən söhbət gedə bilər”. (APA)