Gələn il üçün səhiyyə xərcləri 300 milyon manat  artırılır

18 Oktyabr 2019 - 17:28

Gələn il səhiyyə xərcləri üçün 1 milyard 369 milyon manat vəsait ayrılacaq.

Azpost.info Maliyyə Nazirliyinə istinadən bildirir ki, bu barədə Milli Məclisə təqdim olunmuş 2020-ci ilin dövlət və icmal büdcələri üzrə layihələrində qeyd olunub.

Layihəyə əsasən, bu, 2019-cu illə müqayisədə 31,3 faiz, yaxud 326,5 milyon manat çoxdur. Bu il dövlət büdcəsində səhiyyə xərcləri 1 milyard 42 milyon 500 min manat proqnozlaşdırılıb.