Goranboy rayonunda bıçaqlanma hadisəsi baş verib.
Hadisə rayonun Düz Qışlaq kəndində qeydə alınıb. Belə ki, 1965-ci il təvəllüdlü kənd sakini Əliyev Arzu Mikayıl oğlu bıçaq xəsarəti ilə xəstəxanaya yerləşdirilib. Yaralı dərhal əməliyyat olunub. Vəziyyətin kafi olduğu bildirilir. Hadisənin hələlik kim tərəfindən törədildiyi məlum deyil.
Hadisə ilə bağlı polisə məlumat verilib. Cinayəti törədən şəxs və ya şəxslərin tutularaq istintaqa cəlb olunması istiqamətində əməliyyat axtarışlarına başlanılıb. Faktla bağlı Goranboy Rayon Polis Şöbəsində araşdırma aparılır.
Bakının Yasamal rayonunda da bıçaqlanma hadisəsi baş verib.
Hadisə “Hyatt Regency” hotelinin yaxınlığında qeydə alınıb. Belə ki, 2003-cü il təvəllüdlü Əhmədov Azad Şakir oğlu naməlum şəxs tərəfindən bıçaqlanıb.
Yaralı təcili tibbi yardım briqadasının köməkliyi ilə xəstəxanaya çatdırılıb. Ona qarının ön divarının kəsilmiş-deşilmiş yarası diaqnozu qoyulub. Zərərçəkmiş əməliyyat üçün reanimasiya şöbəsinə yerləşdirilib. (APA)
Faktla bağlı Yasamal Rayon Polis İdarəsində araşdırma aparılır.