Türkiyənin xarici işlər naziri Hakan Fidan Rusiyanın xarici işlər naziri Sergey Lavrovla Ukraynadakı vəziyyəti müzakirə edib.
AzPost xəbər verir ki, bu barədəTürkiyə Xarici İşlər Nazirliyi məlumat yayıb.
“Martın 1-də xarici işlər naziri Hakan Fidan Rusiyanın xarici işlər naziri Sergey Lavrov ilə telefon danışığı aparıb. Rusiya-Ukrayna münaqişəsi kontekstində son hadisələr müzakirə olunub”, – məlumatda bildirilib.
Əlavə olaraq oxuyun:
Ukrayna Prezidenti Volodimir Zelenski və Böyük Britaniyanın Baş naziri Kir Starmer bu gün Londonda görüşəcəklər.
Ukrayna nümayəndə heyətini daşıyan təyyarə artıq London Stansted hava limanına eniş edib. Bu görüş sabah Londonda keçiriləcək Avropa liderlərinin sammiti ərəfəsində baş tutur.
Starmer və Zelenski arasındakı bugünkü görüşdə Ukraynadakı mövcud vəziyyət və Avropanın dəstəyinin gücləndirilməsi yolları müzakirə ediləcək. Sabah keçiriləcək bu görüş Ukraynaya dəstəyin artırılması məsələlərinin müzakirə ediləcəyi sammit öncəsi mühüm əhəmiyyət kəsb edir.
Xatırladaq ki, fevralın 28-də V.Zelenski ABŞ-a səfəri zamanı Prezident Donald Tramp və vitse-prezident J.D.Venslə görüşüb. Prezidentlər arasındakı gərginliklərdən sonra V.Zelenski Ağ evi tərk edib və nəticədə nadir torpaq metallarına dair saziş imzalanmayıb.
