“Kamala Harris qalib gəlsə ABŞ Böyük Depressiya ilə müqayisə oluna biləcək iqtisadi böhrana sürüklənəcək”.
Azpost.info bildirir ki, bu barədə Respublikaçılar Partiyasından prezidentliyə namizəd Donald Tramp Şimali Karolinada tərəfdarları ilə görüşündə bildirib.
“Əgər Kamala qalib gəlsə, o zaman bizi 1929-cu il ruhunda iqtisadi depressiyanın başlamasından 3 gün ayıracaq”.
Tramp dediklərinə əmin olduğunu qeyd edib. Onun fikrincə, hazırkı prezident Co Baydenin administrasiyası ABŞ iqtisadiyyatını tikə-tikə edib.
Tramp tərəfdarlarına deyib ki, o, qalib gəlsə, ölkə sakinləri daha yaxşı iş yerləri, yüksək maaşlar və daha parlaq iqtisadi gələcək əldə edəcəklər.
