ABŞ prezidenti Donald Tramp aylarla davam edən danışıqlardan sonra ABŞ və Hindistan arasında ticarət razılaşmasının bağlandığını açıqlayıb.
AzPost bildirir ki, bu barədə “Times of India” qəzeti məlumat yayıb.
Bundan əvvəl Tramp Hindistanın Baş naziri Narendra Modi ilə telefonla danışıb. Saziş ABŞ-ın Hindistan ixracına tariflərinin əvvəllər yüksək olan dərəcələrdən (bir çox mallar üçün təxminən 50%) 18%-ə qədər əhəmiyyətli dərəcədə azaldılmasını nəzərdə tutur. Əvvəllər bu tariflərin 25%-i Rusiyadan Hindistan xam nefti idxalı ilə əlaqələndirilirdi.
ABŞ bunu dolayı yolla Rusiyanın Ukraynaya qarşı müharibəsini maliyyələşdirmə kimi qiymətləndirirdi.
“Reuters” agentliyinin məlumatına görə, Tramp həmçinin Hindistanın Rusiya neftini almağı dayandırmağa və ABŞ-dan və ehtimal ki, Venesueladan alışları artırmağa razı olduğunu açıqlayıb.
