Hüquq müdafiəçisi Oktay Gülalıyevi avtomobil vurub

29 Oktyabr 2019 - 23:06

Bakının Nəsimi rayonunda piyadanın xəsarət alması ilə nəticələnən yol-nəqliyyat hadisəsi baş verib.

Qəza metronun “28 May” stansiyasının yaxınlığında qeydə alınıb.

Minik avtomobili yolu keçmək istəyən 1972-ci il təvəllüdlü Gülalıyev Oktay Əligüşay oğlunu vurub. Yaralı ağır vəziyyətdə xəstəxanaya çatdırılıb. Daha sonra o, özəl klinikaların birinə yerləşdirilib.

Faktla bağlı Nəsimi Rayon Polis İdarəsində araşdırma aparılır. Qeyd edək ki, O.Gülalıyev hüquq müdafiəçisidir. (APA)