İran parlamenti ölkə prezidenti Məsud Pezeşkianın təklif etdiyi nazirləri təsdiq edib.
Azpost.info Mehr Agentliyinə istinadən bildirir ki, bununla bağlı etimad səsverməsi keçirilib.
Parlament ötən şənbə günü təklif edilən nazirlərin ixtisaslarının müzakirəsinə başlayıb və iclaslar bir neçə gün davam edib.
Pezeşkian andiçmə mərasimindən təxminən iki həftə sonra, avqustun 11-də İran parlamentinə nazirliyə namizədlərin siyahısını təqdim edib.
Abbas Əraqçi 244 səslə İranın yeni xarici işlər naziri, Abolnasir Hemmati 192 səslə növbəti iqtisadiyyat naziri olub. Kəşfiyyat naziri postuna namizəd Xoca əl-İslam Xətib lehinə 261 səs toplayıb. Bugünkü etimad səsverməsinin başlanğıcında İranın yeni prezidenti öz administrasiyası ilə parlament arasında əməkdaşlıq arzusunu bir daha bəyan edib.
