Belarus prezidenti Aleksandr Lukaşenko Rusiyanın dəstəyinə şübhə etmədiyini bildirib.
AzPost bildirir ki, bu barədə o, “Time” nəşrinə müsahibəsində deyib.
“Mən Belarusun Rusiya üçün qiymətini bilirəm. Belarus nə İran, nə Şimali Koreya nə də Ermənistan deyil… İran iki nüvə dövlətinin toqquşmasına dəyməz. Ancaq Belarus dəyir. Heç Ukrayna da iki nüvə dövlətinin toqquşmasına dəyməz”.
“Belarus buna dəyər, çünki tarixən belə olub. Belarusun itirilməsi Rusiyanın bir hissəsinin itirilməsidir”, -deyə Lukaşenko “Birinci İnformasiya” telekanalının efirində nümayiş olunan Amerikanın “Time” jurnalına müsahibəsində əlavə edib.
Lukaşenko əlavə edib ki, NATO qoşunlarının Smolensk yaxınlığında olması ilə Varşavadakı NATO qoşunları eyni şey deyil.
