“İşğaldan azad edilmiş ərazilərdə quruculuğun sosial-iqtisadi aspektləri” mövzusunda tədbir keçirilib – 

Tədbirdə KOBİA – Sabirabad və Saatlı üzrə Agentliyin nümayəndəsi Piri Hüseynli, Mil – Muğan Regional Məşğulluq filialının nümayəndəsi Xaqani Orucov və Saatlı rayon ərazisində məskunlaşmış qaçqın və məcburi köçkünlər iştirak etmişdir.
İlk öncə Azərbaycan Respublikasının ərazi bütövlüyü uğrunda canını və qanını fəda etmiş şəhidlərin xatirəsi bir dəqiqəlik sükutla yad edildi.
Tədbiri ilk öncə Layihənin rəhbəri Elnarə Məhərrəmova açaraq layihənin donoru və layihə haqqında məlumat verdi. O, həmçinin qeyd etdi ki, bu günkü tədbirimiz məcburi köçkünlərin maarifləndirilməsi yolu ilə böyük qayıdışa ön hazırlıq işlərinin aparılmasıdır.
Sonra layihənin eksperti Rəşad Həsənov çıxış edərək layihə haqqında geniş və ətraflı məlumat verərək qeyd etdi ki, ərazilərimizin işğaldan azad edilməsindən sonra hökumət və onun ayrı-ayrı strukturları ƏƏSMN, İqtisadiyyat Nazirliyi, DMA, Nazirlər kabinetinin və demək olar ki, bütün qurumları o cümlədən QMKİDK də bu istiqamət üzrə müxtəlif layihələrlə çıxış edirlər. Müxtəlif təşəbbüslər irəli sürürlər və müxtəlif işçi qrupları yaradılmışdır ki, bu işçi qrupları çərçivəsində köçürülən şəxslərin məşğulluğunun təmin edilməsi məsələləri burada əsas proritet olaraq dayanır.
Tədbirə dəvət olunmuş Azərbaycan Respublikasının KOBİA – Sabirabad və Saatlı üzrə Agentliyin nümayəndəsi Piri Hüseynli, Mil – Muğan Regional Məşğulluq filialının nümayəndəsi Xaqani Orucov tədbir iştirakçıları tərəfindən verilən suallar cavablandırıldı və iştirakçıların təklifləri dinlənildi.
Sonda Layihənin rəhbəri Elnarə Məhərrəmova layihəyə maliyyə dəstəyi göstərən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və tədbir iştirakşılarına öz təşəkkürünü bildirdi.