“Qəzza zolağına su və ərzaq tədarükünün qarşısını almaq İsrailin insanlığa qarşı cinayətidir”.
Azpost.info xəbər verir ki, bunu İranın vitse-prezidenti Məhəmməd Moxber bildirib.
Şanxay Əməkdaşlıq Təşkilatının iclası zamanı o, Yaxın Şərq münaqişəsini dünyanın əsas problemi adlandırıb.
“Görüşümüz Qəzza zolağının müdafiəsiz və məzlum xalqının susuz və yeməksiz qaldığı bir vaxtda keçirilir. Qəzza vəhşicəsinə hücuma məruz qalıb. Su, qida, dərman, elektrik enerjisinin qarşısını almaq insanlığa qarşı cinayətdir”, – Moxber bildirib.
Vitse-prezident deyib ki, İsrail rejimi döyüş meydanında məğlub olub. O, yəhudi dövlətini dinc sakinləri öldürməkdə ittiham edib.
İran iyulun əvvəlində Şanxay Əməkdaşlıq Təşkilatına üzv olub. O, Rusiya, Çin, Hindistan, Qazaxıstan, Tacikistan, Özbəkistan, Pakistan və Qırğızıstanın da daxil olduğu ŞƏT-in doqquzuncu üzvü oldu.
Azpost.info
