İsrail və Azərbaycan arasında təyyarə reysləri bərpa olunub.
AzPost bildirir ki, bu barədə PassportNews məlumat yayıb.
Oktyabrın 21-də “Arkia” aviaşirkəti Tel-Əviv-Bakı marşrutu üzrə uçuşların bərpa olunduğunu elan edib. Qərar Azərbaycan paytaxtında İsrail təyyarələri ilə bağlı təhlükəsizlik böhranından iki ay sonra verilib.
Uçuşların həyata keçirilməsinə icazə İsrail təhlükəsizlik xidmətlərinin intensiv işindən və bütün təhlükəsizlik tədbirlərinin hərtərəfli nəzərdən keçirilməsindən sonra verilib.
Təl-Əviv-Bakı marşrutu İsraili Azərbaycanla həm iqtisadi, həm də turizm baxımından birləşdirən Arkia üçün strateji əhəmiyyətli hesab olunur.
Yenilənmiş marşrut üzrə ilk uçuş oktyabrın 28-də baş tutacaq. Aviaşirkət həftədə üç reys – çərşənbə axşamı, çərşənbə və şənbə günləri yerinə yetiriləcək. Mənbələrin bildirdiyinə görə, “İsrair” də bu marşrut üzrə sərnişin variantlarını genişləndirərək, yaxın vaxtlarda Bakıya uçuşlar açmağı planlaşdırır.
