Argentina millisinin kapitanı Lionel Messi DÇ-2026-nın seçmə mərhələsinin 17-ci turunda Venesuela ilə keçirilən oyundan (3:0) sonra karyerası ilə bağlı suala cavab verib.
QOL.az xəbər verir ki, 38 yaşlı hücumçu deyib:
“Mən istəmirəm ki, bu dövr (futbolçu karyerasını nəzərdə tutur – red.) bitsin, amma başa düşürəm ki, həmin an yaxınlaşır. Bu, nə vaxt baş verməlidirsə, o vaxt da olacaq. Hələlik isə hər şey addım-addım irəliləyir, mən bu günü yaşayıram. Ümid edirəm ki, ili yaxşı başa vuraram və sonra yaxşı bir mövsümöncəsi hazırlıq keçirərəm”.
Xatırladaq ki, daha əvvəl bu qarşılaşmanın Messinin yığmadakı sonuncu ev oyunu olması barədə məlumat yayılmışdı.
