Lənkəranda möhtəşəm bayraq yürüşü olub –FOTOLAR

9 noyabr – Azərbaycan Respublikasının Dövlət Bayrağı Günü ilə əlaqədar  Lənkəran Dövlət Universiteti, Lənkəran Şəhər İcra Hakimiyyəti, Şəhər Gənclər və İdman İdarəsinin birgə təşkilatçılığı ilə Lənkəranda möhtəşəm   “Bayraq yürüşü” keçirilib. Bayram yürüşünə rayon  rəsmiləri ,yüzlərlə tələbə,müəllim, lənkəranlı gənc qatılıb.

Milli atributlarımızın təbliği, gənclər arasında vətənpərvərlik hissi və milli-mənəvi dəyərlərin aşılanması məqsədi ilə keçirilən  “Bayraq yürüşü” şəhərin H.Əliyev prospektinin girəcəyindən start götürüb. 3 rəngli Azərbaycan bayraqlarının dalğalandırıldığı izdiham Dövlət Bayrağı Meydanına qədər 4 km-lik məsafədə  yürüş edib.

Prezident İlham Əliyevin Rusiya Federasiyasının Soçi şəhərində “Valday” Beynəlxalq Diskussiya Klubunun XVI illik iclasının plenar sessiyasındakı çıxışında söylədiyi “Qarabağ Azərbaycandır-Nida! şüarı yürüş boyu səsləndirilib.İzdihamlı yürüşü vətənpərvərlik ruhunda mahnılar müşayiət edib.3 rəngli Azərbaycan bayrağının əzəmətlə dalğalandığı bayram yürüşündə iştirakçılar varlığımızı və gücümüzü dünyaya tanıdan bayrağımızın işğal altında olan ərazilərimizdə dalğalanacağı günün uzaqda olmadığına və Prezident, Ali Baş Komandan İlham Əliyevin rəhbərliyi altında buna nail olunacağına inamlarını ifadə edən şüarlar səsləndiriblər.

Yürüş iştirakçıları  əminliklə bildiriblər ki,Dövlət Bayrağı hər bir azərbaycanlının qürur mənbəyidir: “Azərbaycan Xalq Cümhuriyyətinin yadigarı olan bu bayraq bizim milli kimliyimizi,mənliyimizi, azadlıq məfkurəsinə, milli dəyərlərə və ümumbəşəri ideallara sadiqliyimizi nümayiş etdirir” .

Bayraq yürüşü Lənkəran Dövlət Universiteti tələbələrinin ifasında musiqili  bayram proqramı ilə yekunlaşıb.Tələbələrin milli vətənpərvərlik ruhunda  təşkil etdiyi konsert proqramı maraqla qarşılanıb.

Qeyd edək ki,  Respublika Təhsil Nazirliyinin təşəbbüsü ilə ənənəvi olaraq hər il  keçirilən “Bayraq yürüşü” gənclərin milli dəyərlərə ehtiram, milli ideallara bağlılıq ,vətənpərvərlik,azərbaycançılıq ruhunda tərbiyə olunması baxımından əhəmiyyətli  rol oynayır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Təhsil Nazirliyi:

Sonrakı məqalə

Nazirik havanı çirkləndirən şadlıq evləri və restoranların adlarını açıqladı