Məhkəmə İlqar Məmmədova bəraət verdi –

Cinayət işinə xitam verildi (QƏRAR)
23 Aprel 2020 - 11:14

Ali Məhkəmənin plenum iclasında REAL sədri İlqar Məmmədovun cinayət işi üzrə şikayətə baxılıb.

Keçirilən prosesdə qərar elan olunub.

Qərara əsasən İlqar Məmmədov barəsindəki cinayət işinə bəraətverici əsaslarla xitam verilib.

Qeyd edək ki, İlqar Məmmədov 2013-cü il yanvar ayının 24-də İsmayıllıda baş vermiş kütləvi iğtişaşların təşkilində ittiham olunub. Şəki Ağır Cinayətlər Məhkəməsinin hökmü ilə 7 il azadlıqdan məhrum edilib. O, 2018-ci il avqustun 13-də Şəki Apelyasiya Məhkəməsinin qərarı ilə azadlığa buraxılıb, cəzanın çəkilməmiş hissəsi şərti hesab olunub.

İlqar Məmmədov Ali Məhkəməyə kassasiya şikayəti verərək barəsində bəraət hökmünün çıxarılmasını tələb edib. (APA)

Ali Məhkəmədə onun şərti cəzası ləğv edilib.