Milli Məclis qalmaqallı qanun layihəsini müzakirəyə çıxarır –Surroqat anaya icazə veriləcək?

“Reproduktiv sağlamlığın qorunması haqqında” qanun layihəsi nəhayət, bu il Milli Məclisin payız sessiyasında müzakirəyə çıxarılacaq.

Azpost.info bildirir ki, bu barədə APA -ya Milli Məclisin Səhiyyə komitəsinin sədr müavini Musa Quliyev məlumat verib. O bildirib ki, “Reproduktiv sağlamlığın qorunması haqqında” qanun layihəsi tam hazırdır və Milli Məclisin payız sessiyasının plenar iclaslarının birinə təqdim olunacaq: “Qanun layihəsində narazılıq doğuran məsələlər var idi. Bunlar –  surroqat ana və cinsi hüceyrələrin donorluğu idi. Hər iki maddə qanun layihəsindən çıxarılıb”.

Komitə sədrinin müavini qeyd edib ki, payız sessiyası ərzində “Əhalinin sağlamlığının qorunması haqqında” qanuna da əlavə və dəyişikliklər ediləcək: “Buna səbəb isə gələn ildən icbari tibbi sığortanın tətbiqi ilə bağlıdır”.

Qeyd edək ki, “Reproduktiv sağlamlığın qorunması haqqında” qanun layihəsi uzun illərdir ki, qəbul edilmir. Layihədə yer alan məqamlar dəfələrlə mübahisəyə səbəb olub.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Qarabağ əlilləri Səhiyyə Nazirliyini etiraz aksiyası ilə hədələdi:

Sonrakı məqalə

Dövlət Komitəsi: