Mövlud Çavuşoğlu Soçiyə gedib

29 Dekabr 2020 - 12:25

Türkiyənin xarici işlər naziri Mövlud Çavuşoğlu Rusiyaya səfər edib.

 Türkiyə XİN başçısı bu gün Soçiyə işgüzar səfərə gəlib.

Səfərin məqsədi Rusiya-Türkiyə Birgə Strateji Planlama Qrupunun VIII toplantısında iştirak etməkdir.

Qeyd edək ki, toplantı çərçivəsində M. Çavuşoğlu rusiyalı həmkarı Sergey Lavrovla görüşəcək.

Görüşdə Dağlıq Qarabağdakı vəziyyət və atəşkəsə nəzarət üzrə Rusiya-Türkiyə Birgə Mərkəzi də diqqət mərkəzində olacaq.