“Müstəmləkəçilik siyasəti Fransanın böyük səhvi idi” –

Makron
22 Dekabr 2019 - 10:19
France's President Emmanuel Macron delivers a speech with Prime Minister of Finland Antti Rinne, prior to a meeting at the Elysee Palace, in Paris, Wednesday, Sept. 18, 2019. (AP Photo/Thibault Camus)

Fransa prezidenti Emmanuel Makron müstəmləkəçiliyi ölkəsinin böyük səhvi hesab edir.

“Report” xarici mətbuata istinadən xəbər verir ki, bu barədə o, Afrika dövləti Kot-d’İvuara səfəri zamanı prezident Alassan Uattarla birgə keçirdiyi mətbuat konfransında danışıb.

O, qeyd edib ki, indi çoxları Fransanın guya hegemonluq kateqoriyaları dünyası barədə düşündüyünü və müstəmləkəçiliyə sadiq olduğunu düşünür. “Amma bu böyük səhv idi, respublikanın səhvi”, – Makron vurğulayıb.

Fransa prezidentinin fikrincə, “ümumi tarixin yeni səhifəsini açmaq” zamanı gəlib.

Fransa lideri Kot-d’İvuara cümə günü gəlib. Makronu üçgünlük səfərdə ölkənin hərbi qüvvələr naziri Florans Parli, həmçinin Silahlı Qüvvələrin Baş Qərargah rəisi Fransua Lekuantr müşayiət edirlər.