Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə Gənclərin Mədəniyyətlərarası Əməkdaşlıq Liqası “Gənclərin seçimi: Narkomaniyasız dünya” adlı layihəni uğurla davam etdirir.
Layihə çərçivəsində Xətai rayonunda yerləşən Heydər Əliyev parkında face-to-face mərhələsi baş tutmuşdur. Layihə rəhbəri Elçin Çobanzadə və təlimçi Samur Ramazanov tədbirdə çıxış edərək layihənin məqsədindən və əhəmiyyətindən bəhs etmişlər. Layihənin əsas məqsədi gənclər arasında sağlam həyat tərzini təbliğ etmək və onları zərərli vərdişlərdən uzaq tutmaqdır. Tədbir TikTok sosial şəbəkəsi üzərindən canlı yayımlanmış və 30 minə yaxın izləyici toplamışdır.
Layihənin tərəfdaşları arasında El-1 İdman Liqası, Neftçi İdman Klubu və Azərbaycan Dövlət Reklam Agentliyi yer alır.
