“NATO Ukrayna üzərində hava məkanını bağlamayacaq. Ona görə ki, avropalıların həyatına görə məsuliyyət daşıyır”.
Azpost.info bildirir ki, bu barədə Almaniyanın xarici işlər naziri Annalena Berbok ARD telekanalına müsahibəsində deyib.
Onun sözlərinə görə, hava məkanının bağlanması Rusiya ilə münaqişəyə daxil olmaq deməkdir, bu isə milyonlarla avropalının həyatını təhlükə altına qoyacaq: “Bu o deməkdir ki, NATO təyyarələri rus təyyarələrini vuracaq. Bu, NATO-nun münaqişədə birbaşa iştirakı demək olacaq”.
Bundan əvvəl prezident Zelenski ABŞ-ın 200 konqresmeni ilə onlayn görüşündə onlardan Ukrayna üzərində hava məkanının bağlanmasına yardım etmələrini xahiş edib.
Azpost.info