2024-cü ilin yanvar-iyun aylarında Dövlət Neft Fondundan dövlət büdcəsinə transfert 6390,5 milyon manat təşkil edib
Azpost.info bildirir ki, bu barədə Maliyyə Naziriyinin 2025-ci ilin dövlət və icmal büdcələrinin ilkin göstəricilərinə dair açıqlamasında deyilir.
Bu da təsdiq edilmiş proqnoz göstəricisi ilə müqayisədə 0,5 milyon manat çoxdur.
2024-cü ilin yanvar-iyun aylarında dövlət büdcəsinin gəlirlərinin 10045,2 milyon manatı qeyri-neft sektorunun payına düşüb.
Bu da 2023-cü ilin müvafiq dövrünə nəzərən 1214,1 milyon manat və ya 13,7 faiz çoxdur.
Dövlət Vergi Xidmətinin xətti ilə dövlət büdcəsinə 8282,4 milyon manat vəsait daxil olub. Bu da proqnozlaşdırılan göstərici ilə müqayisədə 1053,8 milyon manat vəya 14,6 faiz çoxdur. Həmin daxil olmuş vəsaitin 70,9 faizi və yaxud 5875,1 milyon manatı qeyri-neft sektorunun, 29,1 faiz və ya 2407,2 milyon manatı isə neft-qaz sektorunun payına düşüb.
Dövlət Gömrük Komitəsinin xətti ilə dövlət büdcəsinə 3252,2 milyon manat vəsait təmin edilib.Bu da proqnoz göstəricisinə nəzərən 418,2 milyon manat və ya 14,8 faiz çox, ötən ilin icrasına nisbətən isə176,7 milyon manat və ya 5,7 faiz çoxdur.
