Britaniya polisi keçmiş Britaniya səfiri Peter Mandelsonla əlaqəli iki yaşayış binasında axtarış aparır.
AzPost bildirir ki, bu barədə CNN məlumat verir.
Keçmiş diplomatın evlərində aparılan axtarışların vəzifə səlahiyyətlərindən sui-istifadə ilə bağlı istintaqla əlaqəli olduğu bildirilir. Mediada yayılan məlumatlara görə, Mandelson 2008-ci il maliyyə böhranı zamanı maliyyəçi Ceffri Epşteynə Britaniya hökuməti haqqında məxfi məlumatları ötürməkdə şübhəli bilinir.
Skotland Yardın məlumatına görə, iki ünvanda axtarışlar aparılır. Biri Uiltşirdə, digəri isə Londonun Kamden şəhərində yerləşir. Keçmiş Britaniya səfiri saxlanılmayıb və istintaq davam edir.
Peter Mandelson 2025-ci ilin fevral ayında Böyük Britaniyanın ABŞ-dakı səfiri təyin edilib. O, sentyabr ayında Ceffri Epşteynlə bağlı istintaq zamanı vəzifəsindən azad edilib. Bu həftənin əvvəlində Böyük Britaniyanın Baş naziri Kir Starmer Mandelsonun Kralın Məxfi Şurasından çıxarılacağını açıqlayıb. O, diplomatın Epşteynlə münasibətləri barədə dəfələrlə rəsmilərə yalan danışdığını bildirib.
