Primakovun nəvəsi “Rossotrudniçestvo”nun rəhbəri təyin olunub

25 İyun 2020 - 15:51

Rusiya Dövlət Dumasının Beynəlxalq Əlaqələr komitəsinin üzvü Yevgeni Primakov Rusiyanın MDB ölkələri, xaricdə yaşayan həmvətənlərlə iş üzrə Federal Agentliyi olan “Rossotrudniçestvo”nun rəhbəri təyin olunub.

APA-nın Moskva müxbirinin verdiyi məlumata görə, bu barədə Rusiya Prezidenti Vladimir Putin müvafiq fərman imzalayıb.

Qeyd edək ki, Yevgeni Primakov Rusiyanın tanınmış dövlət xadimi, 90-cı illərdə ayrı-ayrı vaxtlarda Baş Nazir, Xarici İşlər naziri və Xarici Kəşfiyyat Xidmətinin rəisi işləmiş Yevgeni Primakovun nəvəsidir.