Qazaxıstanın Uralsk şəhərində qaz-hava qarışığının partlaması nəticəsində kafe binasının uçması 2 nəfərin ölümünə, 6 nəfərin isə yaralanmasına səbəb olub.
Bu barədə Qərbi Qazaxıstan vilayətinin Fövqəladə Hallar Departamentinin mətbuat xidməti məlumat yayıb.
“Hazırda Fövqəladə Hallar Departamentinin qüvvələri dağılmış tikililərin altından 6 nəfəri çıxarıb, onlardan 5-i tibb müəssisələrinə çatdırılıb, 1 nəfər isə xəstəxanaya yerləşdirilməkdən imtina edib. Həmçinin iki nəfərin öldüyü aşkar edilib, onların şəxsiyyəti müəyyənləşdirilir”, – deyə məlumatda bildirilib.
Xilasedicilərin sözlərinə görə, dağılmış tikililərin altında daha çox insan ola bilər. Hadisə yerində Fövqəladə Hallar Nazirliyinin, polisin, yerli icra hakimiyyəti orqanlarının və təcili tibbi yardım xidmətlərinin qüvvələri – ümumilikdə 110-dan çox insan və 30 texnika işləyir.
