“Qüdrət bəyin seşki qərargahı öz işini yekunlaşdırır”. Ədalət, Hüquq, Demokratiya (ƏHD) Partiyasının mətbuat xidmətinin yaydığı məlumata görə, bunu ƏHD Partiyasının baş katibi Yaşar Kələntərli deyib.
Yaşar Kələntərli bildirib ki, təblığat kampaniyası zamanı Qüdrət bəy və seçki qərargahının üzvləri geniş və kiçik qruplar formasında seçki dairəsinin ərazisində yüzdən artıq görüş keçiriblər, sosial şəbəkələrdə və mediada geniş təbliğat kampaniyası aparılıb, Qüdrət bəyin seçki platforması barədə seçicilər məlumatlandırılıb: “Görüşə qatılan seçicilərin əksəriyyəti bəyan edib ki, Qüdrət bəyin və ƏHD Partiyasının fəaliyyəti ilə yaxından tanışdırlar və seçkilərdə Qüdrət bəyə səs verəcəklər. Ümid edirik ki, seçicilər Qüdrət bəyin xalqımız və dövlətimiz qarşısında xidmətlərini, onun cəmiyyətimizin sürətli inkişafına dair islahatlar proqramını nəzərə alacaq və yenidən ona etimad göstərəcəklər”.
