“Ramiz Mehdiyevin səhhətinin pisləşməsi barədə yazılanlar yalandır” –

Bəzi informasiya saytlarında Azərbaycan Milli Elmlər Akademiyasının prezidenti, akademik Ramiz Mehdiyevin guya səhhətində problemlərin yaranması ilə bağlı həqiqətə uyğun olmayan məlumatlar yayılıb.

AMEA Rəyasət Heyətinin Mətbuat xidməti bununla bağlı açıqlama yayıb. Məlumatda deyilir ki, yayılan məlumatlar tamamilə yalandır: “Akademik Ramiz Mehdiyev hazırda işinin başındadır”.

“Media nümayəndələrini peşəkar jurnalistika prinsiplərinə və etik normalara riayət etməyə, dəqiqləşdirilməmiş məlumatları yaymaqdan çəkinməyə çağırırıq”.