“Rusiya ABŞ və NATO-nun ölkənin təhlükəsizlik zəmanətləri ilə bağlı cavabına müxtəlif reaksiya variantları hazırlayır”.
Rusiyanın xarici işlər naziri Sergey Lavrov yerli radiostansiyalara verdiyi müsahibəsində deyib.
O vurğulayıb ki, son qərarı Rusiya Prezidenti Vladimir Putin verəcək.
XİN rəhbəri qeyd edib ki, Avropada təhlükəsizliyin təmin edilməsi üçün qarşılıqlı məqbul prinsiplərlə bağlı razılaşmaq cəhdləri bir nəticə verməsə, Rusiya cavab tədbirləri görəcək.
Bu tədbirlərin necə olacağına dair suala cavab verən Lavrov bunları söyləyib: “Onlar müxtəlif ola bilər. Hərbçilərimizin mənə təqdim edəcəyi təkliflər əsasında qərar verəcəm. Əlbəttə, digər qurumlar da bu təkliflərin hazırlanmasında iştirak edəcəklər. Hazırda alınan cavabların idarələrarası nəzərdən keçirilməsi həyata keçirilir”.
